ஜனாஸா வேவையினை மக்களுக்காக வழங்கும் சம்மாந்துறை பிரதேச சபை.

முன்னால் கௌரவ தவிசாளர் அல்-ஹாஜ் ஏ.எம்.எம் நௌஷாட் அவர்களின் முயற்சியின் பயனாக வடிவமைக்கப்பட்ட ஜனாஸா வாகனம் தற்போது மக்கள் பாவனையில் இயங்கிக் கொண்டு வருகிறது.

இச் சேவையினை பெற்றுக் கொள்ள வேண்டுமானால்!

• பிரதேச சபை எல்லைக் குற்பட்ட பிரதேசங்களில் பயன்படுத்துவது முற்றிலும் இலவசம், 

• பிரதேசத்திற்கு வெளியே பயன்படுத்தும் போது சமூர்த்தி பயனாளிகள் கிலோ மீற்றரிற்கு பத்து (10/=) ரூபாயும், ஏனையவர்கள் கிலோ மீற்றரிற்கு இருபது (20/=) ரூபாயும் செலுத்தி இச் சேவையினை பெற்றுக் கொள்ள முடியும்.

அதி நவீன வசதிகளைக் கொண்ட சம்மாந்துறை பிரதேச சபையின் புதிய கட்டிடம்.

கட்டிட அடிக்கல் நாட்டு விழா!

அதி நவீன பிரதேச சபைக் கட்டிடம்!

சம்மாந்துறை பிரதேச சபையில் 04 நபர்களுக்கு நிரந்தர நியமனம்.

சம்மாந்துறை பிரதேச சபையில் தற்காலிகமாகக் கடமையாற்றிய சாரதிகள் 04 நபர்களுக்கு நிரந்தர நியமனம் வழங்கி வைக்கப்பட்டது.

இந் நியமனக் கடிதங்கள் இன்று 20.11.2014 ஆம் திகதி கௌரவ தவிசாளர் அல்-ஹாஜ் ஏ.எம்.எம் நௌஷாட் அவர்களினால்

1) செய்யது அகமது ஜெமீல்

2) சுப்ரமணியம் கமலதாசன்

3) அசனார் லெப்பை அப்துல் ரஹ்மான்

4) தர்மலிங்கம் மதன்

ஆகியோறுக்கு வழங்கி வைக்கப்பட்டது

இந் நிகழ்வில் உதவித் தவிசாளர் ஏ. கலீலுர் ரஹ்மான், உறுப்பினர் மீராமுகைதீன், செயளாலர் ஏ. சலீம் ஆகியோர் கலந்து கொண்டனர்.

சம்மாந்துறை அமீர் அலி பொது நூலகத்தில் தேசிய வாசிப்பு மாத நிகழ்வுகள்!

சம்மாந்துறை பிரதேச சபை நூலகங்களின் ஏற்பாட்டில் தேசிய வாசிப்பு மாத நிகழ்வு 24.10.2014 ஆம் திகதி அமீர் அலி பொது நூலகத்தில் இடம் பெற்றது. இந் நிகழ்வில் பிரதானமாக e~paper Section திறந்து வைக்கப்பட்டது.

இந் நிகழ்வு சம்மாந்துறை பிரதேச சபையின் கௌரவ தவிசாளர் அல்-ஹாஜ் A.M.M நௌஷாட் தலைமையில் இடம் பெற்றது. இந் நிகழ்வுக்கு பிரதம அதிதியாக கிழக்கு மாகாண உள்ளுராட்சி ஆணையாளர் Y.M சலீம் மற்றும் அம்பாறை மாவட்ட உதவி உள்ளுராட்சி ஆணையாளர் அவர்களும் மற்றும் கௌரவ அதிதிகளhக பிரதேச சபையின் உதவி தவிசாளர் மற்றும் உறுப்பினர்கள், பிரதேச சபையின் செயலாளர் மேலும் பல உயர் அதிகாரிகள், ஊர் முக்கியஸ்தர்கள், பொது மக்கள் பங்கேற்புடன் இடம் பெற்றது.

முதலாவது போட்டி நிகழ்ச்சியாக சித்திரப் போட்டி இன்று அமீர் அலி பொது நூலகத்தில் இடம் பெற்றது.

தேசிய வாசிப்பு மாதம் 2014 ஆண்டுக்கான பாடசாலை மாணவர்களுக்கான போட்டி நிகழ்ச்சிகளில், முதலாவது போட்டி நிகழ்ச்சியாக சித்திரப் போட்டி இன்று அமீர் அலி பொது நூலகத்தில் இடம் பெற்றது.

இந் நிகழ்வுகள் கனிஸ்ட மற்றும் சிரேஸ்ட பிரிவுகளாக நடைபெற்றது. இதில் சம்மாந்துறை வலயத்தைச் சேர்ந்த பாடசாலை மாணவர்கள் கலந்து கொண்டனர்.

சம்மாந்துறை மண்னில், மாபெரும் தேசிய வாசிப்பு மாத நிகழ்வும், புத்தக கண்காட்சியும் - 2014

சம்மாந்துறை பிரதேச சபை நூலகங்களின் ஏற்பாட்டில், தேசிய வாசிப்பு மாத நிகழ்வுகளை இம்மாதம் ஒக்டோபர் 24, 25, 26 ம் திகதிகளில் அமீர் அலி பொது நூலகத்தில் நடாத்தத் தீர்மானிக்கப்பட்டுள்ளன. இந் நிகழ்வில் பிரதானமாக e-Paper Section திறப்பு விழாவும், விவாதப் போட்டி, அறிவுக் களஞ்சியம், சித்திரப் போட்டி போன்ற நிகழ்ச்சிகளும் சிறுவர்களுக்கான கழியாட்ட நிகழ்வுகள், திரைப்படக் காட்சி, சித்திரக் கண்காட்சி, புகைப்படக் கண்காட்சி, நூல் கண்காட்சியும் விற்பனையும் போன்ற நிகழ்வுகள் இடம் பெறவிருக்கின்றன.

இந் நிகழ்வானது சம்மாந்துறை பிரதேச சபையின் கௌரவ தவிசாளர் அல்-ஹாஜ் A.M.M நௌஷாட் தலைமைல் நடைபெற உள்ளது. இந் நிகழ்வுக்கு பிரதம அதிதியாக கிழக்கு மாகாண உள்ளுராட்சி ஆணையாளர் M.Y சலீம் அவர்களும் மற்றும் கௌரவ அதிதிகள்  பலரும் கலந்து சிறப்பிக்கவுள்ளனர்.

இந் நிகழ்வில் பொது மக்களாகிய உங்கள் அனைவரையும் கலந்து சிறப்பிக்க,  அமீர் அலி பொது நூலகம் மற்றும் சம்மாந்துறை பிரதேச சபை உங்களை அன்புடம் வரவேற்கின்றது.

தற்காலிக பணியாளர்களுக்கு நிரந்தர நியமனங்கள் வழங்கும் நிகழ்வு

தற்காலிக பணியாளர்களுக்கு நிரந்தர நியமனங்கள் வழங்கும் நிகழ்வு

ஜனாதிபதி புலமைப்பரிசில் வழங்கும் திட்டத்தின் கீழ் சம்மாந்துறை வலயத்தில் இருந்து 103 மாணவர்கள் தெரிவு செய்யப்பட்டுள்ளனர்.

கா. பொ. த. உயர்தர மாணவர்களுக்கான ஜனாதிபதி புலமைப்பரிசில் வழங்கும் திட்டத்தின் கீழ் சம்மாந்துறை வலயத்தில் இருந்து 103 மாணவர்கள் தெரிவு செய்யப்பட்டுள்ளனர். அம் மாணவர்களுக்காக புலமைப்பரிசில் வழங்கும் விழா 15. 10. 2014 ம் திகதி இன்று சம்மாந்துறை அல் - மர்ஜான் முஸ்லிம் மகளிர் கல்லூரியில் வலயக் கல்வி பணிப்பாளர் எம். எஸ். எஸ் நஜீம் தலைமையில் நடைபெற்றது.

இந்நிகழ்வுக்கு பிரதம அதிதியாக ஜனாதிபதியின் அம்பாறை மாவட்ட இணைப்பாளரும், ஸ்ரீ லங்கா சுதந்திர கட்சி சம்மாந்துறை தொகுதி அமைப்பாளரும், சம்மாந்துறை பிரதேச சபையின் கௌரவ தவிசாளருமாகிய அல் - ஹாஜ் ஏ. எம். எம் நௌஷாட் அவர்களும் கிழக்கு மாகாண சபை உறுப்பினர் கௌரவ எம். எல். ஏ அமீர் உட்பட, சம்மாந்துறை உதவி வலயக் கல்விப் பணிப்பாளர், கோட்டக் கல்வி அதிகாரி மற்றும் பாடசாலை அதிபர்கள் கலந்து கொண்டு ஒரு மாணவருக்கு ஒதுக்கப்பட்ட 12 000 ரூபாய் ஜனாதிபதி புலமைப்பரிசில் இருந்து 6 000 ரூபாய் வீதம் 103 மாணவர்களுக்கு காசோலைகள் வழங்கப்பட்டது.